الحـلا والملـح كلـه والـذرابـه والــدلال
والكـلام الزيـن والاخـلاق والعقـل الثقيـل
حطه الله فيـك يالمجمـول يـاواف الخصـال
ولاتركت من الحلا شـي(ن) يماريبـه جميـل
انت قولـت زيـن ماتكفيـك ياشيـخ الجمـال
مستحيل العين شافـت مثـل زينـك مستحيـل
العيون عيون حر(ن) ماكـره رووس الجبـال
والشعر متنثـرن فـوق الردايـف كنـه ليـل
نور وجهك نور بدر(ن) بان بفتـوق الخيـال
من يشوفك يلحـق التسبيـح والحمـد نهليـل
شيب عيني لاتثنـى بالمشـي عـودك ومـال
نعنبو غيرك ترفقبي يابـو طـرف(ن) كحيـل
اتخثـع بالمشـي سبتـك ويطـيـح العـقـال
كـل مالديـت بالاعيـان والرمـش الضليـل
ولايجي منك الخطـا ولايجـي منـك الخمـال
ولو حصل بعض الخطا منك شطبتـه بالمزيـل
قانع وراضي ولا لديت فـي هـرج(ن) يقـال
لو يقولون الكحيلـي صـار مجنـون وهبيـل
لنك اللي مالك(ن) قلبـي واعـدك راس مـال
ياخليل(ن) مابعـد جـا قبلـك وبعـدك خليـل
بالعدال ان كـان لـك نيـه بذبحـي بالعـدال
وانت تدري ويش نقطة ضعف ابوقلب(ن) عليل
والله ان اللـي يشـدك فـي يدينـه بالحـلال
كنه اللـي مالـك الدنيـا وهـو مالـه قليـل
الشاعر:عبدالله بن فهد المليحي السبيعي