حمامة الورق يا خوفي من الفرقا

حـمـآمـة آلـورق






حمامة الورق يا خوفي من الفرقا


خلي شجر هالمكان وشوفي عيوني





محاجري زرق وعيون الغلا زرقا


يا وسع فرق الزراق وعين مضنوني





انتي تغنين من فرحتك يا لورقا


وانا اشتكي لك زراق الحزن في لوني





يا مال بُعد الديار وجعلك الحرقا


يا للي ضحكتي علي وباح مكنوني





حتى شربت الهماج وراحت الطرقا


ولا شفت ناس على الطرقا يعزوني





واصبحت فيها من الاموات والغرقا


الموت قدمي وموج البحر من دوني





ولا الصبر ما لضلع الصبر من مرقا


كل ما بغيت الصبر خابت بي ظنوني





ما الوم من يشتكي من سبت الفرقا


وانا اشتكي كل يوم وتمطر عيوني






للـ شآعرُ : عبدالعزيز الحبيتر