( اعتزلت النآس وحدي في عزوف) ..~

سلامٌ من الله يغشى قلوبكم بكل خير ورحمه ..~


حين تتلبد غيوم الحزن في حياتنا ..~
لا بد أن يكون لها زفرآت ..~
تحرق الذَّآت وتصبح ملامح الحيآه مجعده ..~
هذه زفره تسربلت بـ إسم ( اعتزلت النآس وحدي في عزوف) ..~
إقبلوها بطيب قلوبكم ..~


..~





إن شكيت ألحزن في عيني تشوف
أكثر اهمومي بقلبي سآكنات



داخلي نارٍ تهاوى وسط جوف
ألبخت في دنيتي ما قام مآت



آآآه يا دنـيـا عـليَّه ما تــروف
إن نويت افرح تخليني شتآت




كل أيامي شكت جور الظروف
واغلب ألأحلام صارت ضايعآت



عايشه ما بين ياس وبين خوف
أبكي احوالي واعيد ألذكريآت



رحـلة ألأيام هدت كل طـوف
ناحلٍ عودي من اوجاع الحيآة



أخذ احزآني على راحة كفوف
وابتسم للحزن من جمر الشفآة



اعتزلت النآس وحدي في عزوف
خايفه وادموع عيني فاضحآت



صرت من أهل الصوامع والكهوف
أنتظر رحلات عمر امغادرآت



وآآآآه من نفسٍ شقاها بي يطوف
والفراق أرسل سهومٍ قاتلآت



كل ما قلت الفرج جا للهنوف
جتني الطعنآت من كل الجهات
اعلانات



واغلب الطعنات من تحت الكتوف
من حبيب ومن قريب ومن هوآة



يالله استرني قبل يوم ألحتوف
واجعل الفردوس لعيوني مبآت





..~


كتبته بحبر وريد يبكي

تسلم يدك شعر حلوة مرة