السلام عليكم ورحمة الله وبركاته .. وبعد ..
الاحظ كثير من الامهات يتساءلون عن نوعية الحليب المناسب لاطفالهم..
واشوف الحيرة على عيونهم .. فالبعض تقول انها تعطي طفلها حليب سميلاك لانه ينفخ الطفل ويجعله بنظر الناس اكثر صحة .. مع انه ماهمها الفائدة .. او حليب بروجرس او حليب نان 1 او حليب بلميل بلس او اس 26 او بريميم كير.. وغيرها من انواع الحليب اللي غزت الصيدليات..
لكن والله وماحلفتوني يااخواتي اني استخدمت حليب يمكن اسمه غريب لكن الحمدلله مشى مع اطفالي الاثنين بنتي (بانه) عمرها اربع سنوات وولدي (عبدالرحمن) عمره سنه ماشي معاهم من حيث الصحة والقوة والمغص مريحهم بعد الله سبحانه..
اسم الحليب (رونالاك) منتج فرنسي .. وصفه دكتور بنتي لما تعبت علي من المغص .. ثم مشى معاها وماشاءالله وبعدها كملته لولدي والحمدلله .. والحليب انواع على حسب عمر الطفل .. بعده بفترة جاء ولدي امساك ورحت لدكتور ثاني وعلمته اني اعطي ولدي حليب رونالاك .. وسألته اغير الحليب .. قال لي: لا تغيريه اعطيه نفس الحليب بس خذي العلبة الزرقاء واسمه (رورنالاك اي سي)هذا خاص للامساك.. والحمدلله مشي عليه والدكتور قال انه مفيد للاطفال ولا ينفخهم على غير فائدة..